...

FHN-in növbəti yanğın-xilasetmə qrupu Türkiyənin Denizli bölgəsində yanğınların söndürülməsində iştirak edir

Gündəm Materials 3 Avqust 2021 22:37 (UTC +04:00)
FHN-in növbəti yanğın-xilasetmə qrupu Türkiyənin Denizli bölgəsində yanğınların söndürülməsində iştirak edir

Bakı. Trend:

Məlumat verildiyi kimi, Azərbaycan Respublikasının Prezidenti cənab İlham Əliyevin tapşırığına uyğun olaraq, Azərbaycan Fövqəladə Hallar Nazirliyinin növbəti yanğın-xilasetmə qrupu hazırda qardaş Türkiyə Respublikasındadır.

Fövqəladə Hallar Nazirliyindən (FHN) Trend-ə verilən məlumata görə, bu gün axşam saatlarında qrup təyinat məntəqəsinə doğru irəliləyərkən Denizli bölgəsində meşədə qəfil yanğın ocaqlarının yaranması və ətraf ərazilər üçün ciddi təhlükə törətməsi səbəbindən qrupun hərəkət istiqamətinin dəyişdirilərək operativ qaydada Denizli istiqamətinə yönəldilməsi qərara alınıb.

Denizlidə yaranmış yanğın ocaqlarına çevik müdaxilə edən yanğın-xilasetmə qrupumuz hazırda həmin ərazidə yanğınların söndürülməsi əməliyyatlarını icra edir.

Ərazidə qüvvələrin fəaliyyətinin koordinasiya edilməsi və qarşılıqlı əlaqənin təmin edilməsi məqsədilə fövqəladə hallar nazirinin müavini general-leytenant Etibar Mirzəyev hazırda Denizlidədir.

Məqalədə:
Xəbər lenti

Xəbər lenti