Azərbaycan, Bakı, 5 iyun / Trend, müxbir T.Cəfərov/
Bu gün İranın Hörmuzqan əyalətində 4,4 bal gücündə zəlzələ baş verib. Trend-in məlumatına görə, bu barədə İSNA agentliyi məlumat verir.
Tehran Universiteti Geofizika İnstitutu yanında Seysmoloji Mərkəz zəlzələnin yerli vaxtla səhər saat 10:04-də baş verdiyini bildirib.
Yeraltı təkanların ocağı 8 kilometr dərinlikdə qeydə alınıb.
İnsan ölümü və dağıntılar barədə məlumat verilmir.