Bakı. Trend:
Sosial şəbəkələrdə Bərdədə küçə itlərinin kütləvi öldürüldüyü görüntülər yayılıb.
Sakinlər iddia edir ki, itləri güllələyiblər, öldürə bilmədikləri itləri isə zəhərləyiblər.
Məsələ ilə bağlı DİN-in Mətbuat Xidmətinin Bərdə regional qrupunun baş inspektoru, polis baş leytenantı Aslan Qiyaslı Trend-ə bildirib ki, Bərdə rayonunda heyvanların öldürülməsi ilə bağlı Rayon Polis Şöbəsində müvafiq araşdırmalara başlanılıb.
Araşdırmaların nəticəsindən asılı olaraq məsələyə hüquqi qiymət veriləcək.