...

Gəncədə sərnişindaşıyan nəqliyyat vasitələrinin işinin tənzimlənməsi məqsədilə reydlər keçirilir

Siyasət Materials 6 Fevral 2008 15:31 (UTC +04:00)

Azərbaycan, Gəncə, 06 fevral / Trend , müxbir V.Məmmədov/ Gəncə şəhərində sərnişindaşıyan nəqliyyat vasitələrinin işinin tənzimlənməsi məqsədilə reydlər keçirilir. Gəncə şəhər Yol Polisi İdarəsinin rəisi Adil Zeynalovun sözlərinə görə, son 3 gündə dörd sürücü saxlanılaraq barələrində inzibati qaydada tədbir görülüb.

Azərbaycanda sərnişindaşıma sistemində təhlükəsizliyin təmin olunması, sürücülərin yol hərəkəti qaydalarına əməl etmələri məqsədilə fevralın əvvəlindən reydlərə başlanılıb.

Zeynalov deyib ki, saxlanılan sürücülərin hər biri 44 manat cərimələnərək onlara xəbərdarlıq edilib. "Sürücülər əsasən normadan nəzərdə tutulandan çox sərnişin daşıdıqlarına, qabaq oturacaqda 3 nəfər daşıdıqlarına görə cərimələniblər" Zeynalov əlavə edib. Onun sözlərinə görə, yanvar ayı ərzində ümumilikdə 1631 yol hərəkəti qaydası pozulub. Onlardan 58 nəfəri sərxoş halda avtomobili ibarəetməyə, 9-u qırmızı işıqda işıqfordan keçməyə, 2-si avtoxulqanlığa, 46-sı sürət həddini aşmaya görə saxlanılıb.

Yanvar ayı ərzində yol hərəkəti qaydalarını pozan sürücülərdən 38 819 manat vəsait yığılaraq dövlət büdcəsinə ödənilib.

Xəbər lenti

Xəbər lenti