...

Azərbaycan Milli Bankı pul siyasətini yenidən yumşaldıb

Siyasət Materials 1 Dekabr 2008 20:01 (UTC +04:00)

Azərbaycan, Bakı, 01 dekabr/ Trend , müxbir İ.Xəlilova/ Azərbaycan Milli Bankı (AMB) İdarə Heyətinin qərarı ilə dekabrın 1-dən uçot dərəcəsi 2 faiz - 8 faizədək azaldılıb, - AMB-dən bazar ertəsi bildiriblər. Faiz dəhlizinin yuxarı həddi 15 faizdən 13 faizə, xarici valyutada öhdəliklər üzrə məcburi ehtiyat normaları 9 faizdən 6 faizədək azaldılıb.

"Qlobal iqtisadi böhranın dərinləşməsi şəraitində,  2008-ci il ərzində Azərbaycan iqtisadiyyatının dinamik inkişafı davam edib və  ikirəqəmli iqtisadi artım templəri qorunub saxlanılıb, - Milli Bankdan bildiriblər. Ölkənin valyuta mövqeyi daha da yaxşılaşıb və valyuta balansının profisiti 15 mlrd. ABŞ dollarına çatıb. İqtisadiyyatda inflyasiyanın azalması meylləri başlayıb".

Bu şəraitdə xarici risk amillərini qabaqlayıcı rejimdə neytrallaşdırmaq üçün, Milli Bank preventiv pul siyasəti tədbirlərini davam etdirir. AMB ekspertlərinin rəyinə görə, həyata keçirilmiş tədbirlər bank sistemində yüksək likvidlik səviyyəsinin və aktivlərin keyfiyyətinin qorunmasına və bu əsasda maliyyə sabitliyinin daha da dərinləşməsinə şərait yaradır.
 Bank sistemində likvidlik səviyyəsinin məqbul həddə saxlanması bankların kredit fəaliyyətinin davamlılığını təmin edir və bununla qeyri - neft sektorunda iqtisadi artım dinamikasının qorunmasında mühüm rol oynayır.

AMB 2009-cu ildə pul siyasətinin əlavə yumşaldılmasını davam etdirməyi gözləyir, - Azərbaycan Milli Bankı İdarə Heyətinin sədri Elman Rüstəmov əvvəllər bildirib.

"Bu il AMB-nin uçot dərəcəsi iki mərhələdə 15 faizdən 10 faizədək azaldılıb, - Rüstəmov bildirib. Gələcəkdə bu siyasət davam etdiriləcək və təkrarmaliyyələşdirmə dərəcəsi yenidən bir neçə mərhlədə azaldılacaq".

Onun sözlərinə görə, bu gün dünyanın bütün Mərkəzi bankları sinxron şəkildə uçot dərəcəsinin azaldılması siyasətini aparırlar, belə ki, iqtisadiyyatın ucuz pullara ehtiyacı var.

"Maliyyə institutları da öz vəziyyətlərinin sabitləşdirilməsi üçün ucuz ehtiyatlara ehtiyac duyurlar və gələn il iqtisadiyyatın da ucuz vəsaitlərə ehtiyacı olacaq", - AMB rəhbəri bildirib.

Onun rəyinə görə, deflyasiya və tələbatın azalması fonunda, Azərbaycanın başlıca vəzifəsi qeyri - neft sektorunda resessiyanın qarşısını almaqdır. Bunun üçün maliyyə "inyeksiyaları" tələb olunur. Belə "inyeksiyaların" əsas mənbəyi isə,  Milli Bankın təkrarmaiyyələşdirməsi vasitəsilə vəsaitlərin bank sistemindən ölkə iqtisadiyyatına yönəldilməsidir.

"Hökumətin kifayət qədər büdcədənkənar vəsaitləri var və onlardan istifadə edərək, iqtisadiyyatı müəyyən likvidliklə təmin etmək olar", - Rüstəmov bildirib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti