Azərbaycan, Bakı, 19 yanvar / Trend , müxbir A.Hüseynbala/
Azərbaycanın müxalif partiyasının yanvarın 21-nə nəzərdə tutduğu piketin keçirilməsinə razılıq verilməyib.
"Bakı Şəhər İcra Hakimiyyətindən müraciətimizə verilən cavabda Milli Televiziya və Radio Şurasının binası qarşısında etiraz aksiyası keçirilməsi məqsədəuyğun hesab edilməyib", - bazar ertəsi Trend -a Müsavat Partiyası Mərkəzi İcra Aparatının rəhbəri Arif Hacılı bildirib.
Trend -un arayışı: Azərbaycanın Milli Televiziya və Radio Şurasının ötən ilin sonlarında qəbul etdiyi qərarla 2009-cu il yanvarın 1-dən "Amerikanın səsi", "Azadlıq", "BBC" radiostansiyalarının Azərbaycanda yayımlandığı milli tezliklər alınıb.
Hacılının sözlərinə görə, "Azadlıq", "Amerikanın səsi" və "BBC" padiostansiyalarının Azərbaycanda milli tezliklərdə yayımının dayandırılmasına etiraz olaraq planlaşdırdıqları piketin keçirilib-keçirilməməsi ilə bağlı qərar müzakirələrdən sonra veriləcək.
Müsavat Partiyası 1911-ci ilin oktyabrında Bakıda yaradılıb. Müsavat Partiyasının (Bərpa) Qurultayı 1992-ci il noyabrın 7-də Bakıda Respublika sarayuıda keçirilib. Gizli səsvermənin yekunları əsasında Qəmbər səs çoxluğu ilə Müsavat Partiyasının başqanı seçilib.
Qəmbər Аzərbаycan pаrlаmеntinin spikеri (1992-1993-cü illərdə) və 2003-cü ildə keçirilmiş prezident seçkisində prezidentliyə namizəd olub. Pаrtiyа 4 nəfər deputatla parlamentdə təmsil olunur.
Məqalə müəllifi ilə əlaqə ünvanı: [email protected]
