İran zəlzələdən zərərçəkənlərə yardım üçün Azərbaycana təşəkkür edib

Azərbaycan, Bakı, 18 avqust /Trend T. Cəfərov/

İranın Azərbaycandakı səfirliyinin mədəni mərkəzinin təşkilatı və təşəbbüsü ilə cümə günü "Ramazan və müsəlman dünyasının birliyi" mövzusunda konfrans keçirilib.

Konfransda dini təşkilatlarla iş üzrə Dövlət komitəsinin, Qafqaz Müsəlmanları İdarəsinin nümayəndələri, Azərbaycanın ictimai, elmi, dini xadimləri, partiyaların nümayəndələri, ziyalılarlar, tələbələr iştirak ediblər.

Azərbaycanda İranın müvəqqəti işlər vəkili Seyid Əli Musavi zəlzələdən zərər çəkmişlərə göstərilmiş humanitar yardım üçün Azərbaycan xalqına və Azərbaycan dövlətina təşəkkür etdi.

Sonra Qüds günü ilə əlaqədar konfrans iştirakçıları çıxış ediblər. Çıxışlarda vurğulanmışdı ki, Qüds günü işğalçılara qarşı mübarizə günüdür və müsəlmanları birliyə çağıran bir gündür.

Konfransda qeyd edilib ki, əgər müsəlman xalqları vahid olsa, Fələstinin işğal edilmiş torpaqlarının, və həmçinin Dağlıq Qarabağın azad olmasına gətirib çıxaracaq.