Azərbaycan, Bakı, 28 noyabr /Trend, müxbir S.Əhmədova/
Azərbaycan-Avropa İttifaqı (Aİ) Əməkdaşlıq Şurasının növbəti iclası dekabrın 9-da Brüsseldə baş tutacaq. Bu barədə Trend-ə Aİ-nin Azərbaycandakı nümayəndəliyindən bildiriblər.
İclas zamanı Azərbaycan və Avropa İttifaqı arasında əməkdaşlığın hazırkı vəziyyəti və perspektivləri müzakirə olunacaq.
Qeyd edək ki, Aİ və Azərbaycan arasında danışıqlar Azərbaycan tərəfindən xarici işlər nazirinin müavini Mahmud Məmmədquliyevin rəhbərliyi altında aparılır.