Azərbaycan, Bakı, 06 oktyabr/ Trend , müxbir Ü.Sadıqova/ Misir təhsil sahəsində Azərbaycanla əməkdaşlığı genişləndirmək niyyətindədir.
Misir hökuməti Azərbaycanla təhsil sahəsində əməkdaşlığın inkişafında çox maraqlıdır,- Misirin Mənsura Universitetinin rektoru Əhməd Bəyyumi Şəhabəddin bazar ertəsi Bakıda Trend -a bildirib.
Onun sözlərinə görə, son vaxtlar misirlilərin Azərbaycan dilinə xüsusi marağı müşahidə edilir. Misir ölkənin ali təhsil müəssisələrinə azərbaycanlı tələbələrin qəbulunu davam etdirməyə hazırdır. Neft - qaz sektoru, humanitar elmlər, mədəni tədqiqatlar və dillərin öyrənilməsi sahələrində mütəxəssislərin hazırlanmasına xüsusi diqqət göstərilir, - Şəhabəddin bildirib.
їBu gün onlarla misirli tələbə Azərbaycanda təhsil alır və yaxın vaxtlarda biz onların sayını artırmaq niyyətindəyikї, - rektor bildirib.
Mənsura Universitetinin rektoru oktyabrın 6 ї 8 - də Bakıda keçirilən İSESCO - nun təhsil və elm nazirlərinin IV konfransında Misiri təmsil edir.
Müəlliflə əlaqə saxlamaq üçün elektron ünvan: [email protected]
