Azərbaycan, Bakı, 29 mart / Trend , müxbir K.Zərbalıyeva /
Avropa İnsan Haqları Məhkəməsi Azərbaycanla bağlı daha bir qərar verib.
Trend -un Avropa Məhkəməsinin internet saytına istinadən verdiyi məlumata görə, Mahirə Sədrəddin qızı Muradovanın işi ilə bağlı çıxarılmış qərar aprelin 2-də elan olunacaq.
Muradova Azərbaycan vətəndaşıdır.
2003-cü ilin prezident seçkilərinin nəticələrinə qarşı müxalifətin 16 oktyabr 2003-cü ildə təşkil etdiyi mitinqdə polis zorakılığı nəticəsində sağlamlığına ağır xəsarət yetirilən ərizəçi İnsan hüquqlarının və əsas azadlıqların müdafiəsi haqqında Konvensiyasının işgəncələrin qadağan edilməsi (3-cü), ədalətli məhkəmə araşdırması hüququ (6-cı) və səmərəli hüquqi müdafiə vasitələri hüququ (13) maddələri ilə nəzərdə tutulmuş hüquqlarının pozuntusundan şikayət verib.
Avropa Məhkəməsi Azərbaycana qarşı indiyədək 16 qərar qəbul edib.
Azərbaycan 2001-ci ildən Avropa Şurasının üzvüdür.
Avropa Məhkəməsi martın 31-də 23, aprelin 2-də isə 19 qərarını açıqlayacaq.
Məqalə müəllifi ilə əlaqə ünvanı:[email protected]
