Bakı. Ənvər Məmmədov - Trend:
“Şəki İpək” ASC istehsal olunan məhsul assortimentini genişləndirməyi planlaşdırır.
Trend-in məlumatına görə, bunu Azərbaycan Sənaye Korporasiyasının iclası zamanı ASC-nin İdarə heyətinin sədri Nizami Qəribov deyib.
N.Qəribov qeyd edib ki, ipəklə yanaşı yun istehsalına da başlamaq planlaşdırılır: “Hazırda bizdə yun istehsalı yoxdur, Dağıstanda isə tələb var. İpək satışı mövsümdən asılı olaraq dəyişir və qışda satış azalır. Biz bu azalmanı yun istehsalı ilə əvəz edə bilərik”.