Bakı. Trend:
ABŞ Təbii Sərvətlər və Ətraf Mühitin Qorunması Departamenti ABŞ-nin Bakıdakı Səfirliyi ilə birgə Səfirin Su Mütəxəssisləri Proqramı üçün dörd sessiyanın birincisini həyata keçirdi. Azərbaycanın dövlət qurumlarının ekspertlərinin iştirak etdiyi virtual tədbirlər silsiləsi suyun keyfiyyəti, su təchizatının proqnozlaşdırılması, çay axınının proqnozlaşdırılması və suyun mühafizəsi ilə bağlı spesifik məsələləri əhatə edib. Birinci sessiya ABŞ Meliorasiya Bürosunun ekspertləri Avra Morqan, Kevin Tilen və Marketa MakQayr tərəfindən aparılıb və əsas diqqət şirin su ehtiyatlarının və su idarəetmə imkanlarının idarə edilməsi və mühafizəsinin təşviqinə yönəlib.
Birləşmiş Ştatlar dayanıqlı su idarəetməsi haqqında məlumatı bölüşmək üçün Azərbaycandakı tərəfdaşları ilə işləyir. Səfirin Su Mütəxəssisləri Proqramı ABŞ Prezidentinin Qlobal Su Strategiyasının tərkib hissəsidir və su təhlükəsizliyi üçün texniki yardım göstərir, dayanıqlı infrastruktur və xidmətləri təşviq edir, elm, texnologiya və informasiyanı təşviq edir.
“Dayanıqlı su idarəçiliyi təhsil, innovasiya və daha geniş beynəlxalq əməkdaşlıq vasitəsilə təkmilləşdirilə bilən həll yolları olan ortaq problemdir. Səfirin Su Mütəxəssisləri Proqramı bu ehtiyacı ödəmək üçün ilk, lakin mühüm bir addımdır”, - Müvəqqəti işlər vəkili Hüqo Guevara bildirib.
Suya təkmilləşdirilmiş çıxışın mahiyyəti suyun daşınması və qaynadılması üçün sərf olunan vaxtın azaldılması ilə məhdudlaşmır. Hər il 3,4 milyon insan su ilə yoluxan xəstəliklərdən ölür. Ümumdünya Səhiyyə Təşkilatının məlumatına görə, təxminən 2,2 milyard insanın, yəni dünya əhalisinin təxminən üçdə birinin təhlükəsiz içməli suya çıxışı yoxdur.
Meliorasiya Bürosunun missiyası Amerika ictimaiyyətinin maraqlarına uyğun olaraq su və əlaqədar ehtiyatları ekoloji və iqtisadi cəhətdən əsaslandırılmış şəkildə idarə etmək, inkişaf etdirmək və qorumaqdır. 1902-ci ildə yaradılmış Meliorasiya Bürosu 17 qərb əyalətində inşa etdiyi bəndlər, elektrik stansiyaları və kanalları ilə yaxşı tanınır. O, ölkənin ən böyük topdan su tədarükçüsüdür, ümumi saxlama qabiliyyəti 140 milyon akr-fut (172.6872 milyard kub metr) olan 338 su anbarını idarə edir (bir akr-fut, 325,851 qallon su (1481 kub metr su), dörd nəfərlik bir ailəni bir il ərzində kifayət qədər su ilə təmin edir).