Bakı. Trend:
Əvvəlki illərin məzunları üçün buraxılış və qəbul imtahanlarının vaxtı açıqlanıb.
Bu barədə Trend-ə Dövlət İmtahan Mərkəzindən xəbər verilib.
Məlumata əsasən:
14 aprel 2024-cü il tarixində,
- Əvvəlki illərin məzunları üçün I, II, III və IV qruplar üzrə qəbul imtahanının I mərhələsi, V ixtisas qrupu üzrə ali təhsil müəssisələrinə və 11 illik bazadan kolleclərə qəbul imtahanı
- Ali təhsil müəssisələrinin müsabiqəsində buraxılış imtahanında verdiyi xarici dildən fərqli dil və ya fərqli bölmə üzrə iştirak etmək istəyən XI sinif şagirdləri üçün əlavə imtahan
- Eksternat qaydasında buraxılış imtahanlarını keçiriləcək.
5 may 2024-cü il tarixində,
- Əvvəlki illərin məzunları üçün 9 illik bazada kolleclərə qəbul imtahanı
- Kolleclərin müsabiqəsində buraxılış imtahanında verdiyi xarici dildən fərqli dil və ya fərqli bölmə üzrə iştirak etmək istəyən IX sinif şagirdləri üçün əlavə imtahan
- Eksternat qaydasında buraxılış imtahanları keçiriləcək.
Əlavə edilib ki, DİM tərəfindən keçiriləcək digər imtahanların qrafiki 2024-cü ilin yanvar ayı ərzində paylaşılacaq.