Bakı. Trend:
Azərbaycan çempionu "Qarabağ" növbəti avrokubok oyununu keçirib.
Trend İdman.biz-ə istinadən xəbər verir ki, Çempionlar Liqasında mübarizə aparan təmsilçimiz III təsnifat mərhələsinin cavab görüşünə çıxıb.
Qurban Qurbanovun yetirmələri "Lüdoqorets"in qonağı olub. Bakıda 1:2 hesabı ilə uduzan "Qarabağ" Bolqarıstanda revanş ala bilib. Görüşün əsas vaxtında 3:2 hesablı qələbə qazanan Ağdam klubu əlavə vaxtında daha 4 qol vurub. Yekunda səfərdə 7:2 hesabı ilə qalib gələn Azərbaycan çempionu adını pley-offa yazdırıb.
Qeyd edək ki, cütün qalibi pley-offda Zaqreb "Dinamo"su ilə qarşılaşacaq.
xxx
00:30
UEFA Çempionlar Liqasının III təsnifat mərhələsinin cavab oyunu çərçivəsində Bolqarstanda üz-üzə gələn "Ludoqorets" və "Qarabağ" komandalarının oyununda komandamız 5-ci və 6-cı qolları vurub.
Trend xəbər verir ki, qolları Redon xhixha və Patrick Andrade vurublar.
xxx
00:07
UEFA Çempionlar Liqasının III təsnifat mərhələsinin cavab oyunu çərçivəsində Bolqarstanda üz-üzə gələn "Ludoqorets" və "Qarabağ" komandalarının oyununda komandamız önə keçib.
Trend xəbər verir ki, hesabı Toral Bayramov artırıb.
xxx
00:04
UEFA Çempionlar Liqasının III təsnifat mərhələsinin cavab oyunu çərçivəsində Bolqarstanda üz-üzə gələn "Ludoqorets" və "Qarabağ" komandalarının oyununda əlavə vaxt oynanılır.
Trend xəbər verir ki, əsas vaxtda qalib müəyyənləşmədiyi üçün əlavə 30 dəqiqə oynanılacaq.
xxx
22:59
UEFA Çempionlar Liqasının III təsnifat mərhələsinin cavab oyunu çərçivəsində Bolqarstanda üz-üzə gələn "Ludoqorets" və "Qarabağ" komandalarının oyununda beşinci qol vurulub.
Trend xəbər verir ki, görüşün ilk hissəsinə əlavə olunan altıncı dəqiqədə Ağdam təmsilçisinin heyətində Patrik Andrade komandasını önə keçirib. Bununla da komandalar fasiləyə yollanıb.
Komandalar arasında ilk matç rəqibin 1:2 hesablı qələbəsi ilə yekunlaşıb.
xxx
21:30
UEFA Çempionlar Liqasının III təsnifat mərhələsinin cavab oyunu çərçivəsində Bolqarıstanda üz-üzə gələcək "Ludaqorets" və "Qarabağ" komandalarının start heyətləri açıqlanıb.
Trend Avropa futbol qurumunun rəsmi saytına istinadən xəbər verir ki, komandalar meydana aşağıdakı heyətlərlə çıxacaqlar:
"Qarabağ": Fabiyan Buntiç, Julio Romao, Yassin Benzia, Marko Yankoviç, Abdullah Zubir, Bəhlul Mustafazadə, Leandro Andrade, Olavio Juninyo, Elvin Cəfərquliyev, Marko Veşoviç, Kevin Medina.
Baş məşqçi: Qurban Qurbanov.
"Ludoqorets": Hendrik Bonmann, Oliviyer Verdon, Dinis Almeyda, Son, Anton Nedyalkov, Laros Duarte, Jakub Petrovski, Pedro Naressi, Riçk, Ruan Seko, Kvadvo Dua.
Baş məşqçi: George Derminçiyev.
Qeyd edək ki, qarşılaşma saat 22:00-da start götürəcək. Ağdam təmsilçisi ilk görüşdə rəqibinə 1:2 hesabı ilə məğlub olub.