Bakı. Cani Babayeva - Trend:
Çinli gimnast Lanqi Yan Bakıda keçirilən Batut Gimnastikası və Tamblinq üzrə 35-ci Dünya Çempionatının batutda fərdi tullanışlar proqramında 61.825 xal toplayaraq birinci yeri tutub.
Trend-in məlumatına görə, ikinci yerdə Yaponiya gimnastı Rusey Nisioka (60.620 xal), üçüncü yerdə isə Belarus gimnastı Oleq Ryabtsev (60.385 xal) qərarlaşıblar.
Qeyd edək ki, Bakıda Batut Gimnastikası və Tamblinq üzrə 35-ci Dünya Çempionatı noyabrın 18-dən 21-dək keçirilir. Yarışda 33 ölkədən 300-dək gimnast iştirak edir.
Azərbaycan gimnastı Mixail Malkin çempionatın tamblinq proqramında gümüş medal qazanıb.