Bakı. Trend:
Azərbaycan sərbəst güləşçisi Arseniy Djioyev Albaniyanın paytaxtı Tiranada keçirilən U-23 Avropa çempionatında qızıl medal qazanıb.
Trend xəbər verir ki, 86 kq çəki dərəcəsində çıxış edən idmançımız finalda fransalı Raxim Maqamadova 9:2 hesabı ilə qalib gələrək çempion olub.
Digər güləşçilərimizdən Ceyhun Allahverdiyev finalda ermənistanlı Levik Mikayelyana 1:2 hesabıyla məğlub oldu və U23 Avropa çempionatında gümüş medal qazandı.
Ağanəzər Novruzov finalda rusiyalı İsmayıl Xaniyevə (UWW) 4:5 hesabıyla məğlub oldu və U23 Avropa çempionatında gümüş medal qazandı.
