Bakı. Trend:
Ukrayna prezidenti Volodimir Zelenski vəliəhd şahzadə Məhəmməd ibn Salman əl-Saudla danışıqlar aparmaq üçün Səudiyyə Ərəbistanına yollanıb.
Trend xəbər verir ki, bu barədə Ukrayna Ali Radasının deputatı Yaroslav Jeleznyak öz Telegram-kanalında yazıb.
O, prezident təyyarəsinin Polşadan birbaşa Səudiyyə Ərəbistanına yola düşdüyünü bildirib.
Qeyd edilir ki, Ukrayna lideri vəliəhd şahzadə ilə görüşdükdən sonra, ukraynalı bəzi hökumət nümayəndələri ABŞ-la danışıqlar aparmaq məqsədilə krallıqda qalacaqlar.
Ukraynanın nümayəndə heyətinə Ukrayna prezident administrasiyasının rəhbəri Andrey Yermak, Xarici işlər naziri Andrey Sibiqa, Müdafiə naziri Rüstəm Umerov və Ukrayna Silahlı Qüvvələrinin 93-cü briqada komandiri Pavel Palisin daxil olacağı bildirilir.