Bakı. Trend:
Basketbol üzrə Avroliqada sonuncu finalçının adı müəyyənləşib.
Trend xəbər verir ki, “Dördlər finalı” mərhələsinin ikinci yarımfinal qarşılaşmasında Fransa təmsilçisi “Monako” Yunanıstanın “Olimpiakos” klubunu 78:68 hesabı ilə məğlub edərək adını finala yazdırıb.
Beləliklə, həlledici oyunda “Monako” Türkiyənin “Fənərbağça” kollektivi ilə üz-üzə gələcək.
Qeyd edək ki, Avroliqa finalı Birləşmiş Ərəb Əmirliklərinin paytaxtı Əbu-Dabidə baş tutacaq.