Bakı. Trend:
Əhalinin maneəsiz hərəkətinin təmin olunması üçün inteqrasiya olunmuş nəqliyyat sistemini yaratmaq lazımdır.
Trend-in məlumatına görə, bunu cümə axşamı rəqəmsal inkişaf və nəqliyyat nazirinin müavini Rəhman Hümmətov ekspertlərlə görüş zamanı deyib.
"Azərbaycanın regionun əsas nəqliyyat mərkəzlərinən birinə çevrilməsi, tranzit və regional daşımaların artırılması, tranzit daşımalarının və logistika prosesslərinin sadələşdirilməsi üçün hüqui bazanın təkmilləşdirilməsi üzrə daimi işlər görülür", - nazir müavini deyib.
O qeyd edib ki, beynəlxalq daşımalar sahəsində peşəkar sürücülərin hazırlanmasına böyük əhəmiyyət verilir, bu məqsədlə sürücülər təlimlərə cəlb olunacaq.