Bakı. Trend:
2024-cü ilin yanvar-sentyabr aylarında Bakıda ictimai iaşə dövriyyəsinin həcmi artıb.
Bu barədə Trend-ə Bakı Şəhər Statistika İdarəsindən məlumat verilib.
Qeyd olunan dövr ərzində 2023-cü ilin müvafiq dövrü ilə müqayisədə real ifadədə ictimai iaşə dövriyyəsinin həcmi 10,1 faiz artaraq 1 milyard 146,3 milyon manat olub.
Hüquqi şəxslər tərəfindən ictimai iaşə dövriyyəsi 664,7 milyon manat olub ki, bu da ümumi dövriyyənin 58,0 faizini təşkil edib.