Azərbaycan, Bakı / Trend , müxbir S.Əliyev/ Gürcüstan, Azərbaycan və Türkiyə nəqliyyat sistemlərini birləşdirəcək Bakı-Tbilisi-Qars dəmir yolunun tikintisi ilə bağlı, Gürcüstanda keçirilməli olan mərasim oktyabrın əvvəllərinə təyin olunub. Bu barədə çərşənbə axşamı Azərbaycan Dəmir Yol İdarəsindən məlumat verilib. Bundan əvvəl ,mərasimin oktyabrın 20-də keçirilməsi ehtimal edilirdi.
Azərbaycan hökumətindən bildirilib ki, layihə üzrə bəzi məsələlər , hələ ki, nizama salınmayıb.
Azərbaycan dəmir yolundan bildirilib ki, Gürcüstan ərazisində bu layihə üzrə podratçı-şirkət hələ təyin olunmayıb. Şirkətin təyinatı sentyabrın sonlarına planlaşdırılır. Şirkətin təyin olunmasından sonra mərasim keçiriləcək.
Dəmir yolunun Gürcüstan hissəsinin tikintisi məqsədilə Azərbaycan Gürcütanın "Marabda-Karçaxi dəmir yolu" MMC-yə 25 il müddətinə, illik bir faiz dərəcəsi ilə, 200 mln. dollar məbləğində kredit ayıracaq.
Kredit dəmir yolunun istismarından əldə olunan vəsait hesabına ödəniləcək. Birinci kredit ödəməsinin ümumi həcmi 40 mln. dollar təşkil edəcək.
Üçüncü dərəcəli "Marabda- Axalkalaki" dəmir yolu xətti ( xəttin eni 1 520 mm) illik hər iki istiqamətdə 15 mln ton yuk daşınmasını təmin etməlidir.
Yolun seysmoloji sabitliyi 8 ballıq zəlzələyə hesablanır. Layihədə, həmçinin, dəmir yolu sahəsinin enerji ilə təchiz edilməsi, müvafiq əlaqə sisteminin quraşdırılması, o cümlədən, optik-tel kabelinin çəkilməsi və onun Gürcüstan dəmir yol sisteminin ümumi optik-telinə qoşulması, həmçinin, sərnişin və yük daşımalarının təmin olunması üçün lazım olan bütün infrastrukturun bərabər layihələndirilməsinə yenidən baxılmalıdır.
Layihə işlərinin maliyyələşdirilməsini "Marabda-Karçaxi dəmir yolu" MMC həyata keçirəcək. Qalib şirkət iş layihəsini mərhələ ilə, 2008-ci il iyulun1-nə qədər təhvil verə bilər. Dəmir yolu sahəsinin tikintisinin 2008-ci ildə başlanması və 2010-cu ildə başa çatdırılması planlaşdırılır.
"Bakı-Tbilisi-Axalkalaki-Qars" layihəsi çərçivəsində yeni 105 kilometrlik dəmir yolu qolunun tikintisi planlaşdırılır. Bunun 76 km-i Turkiyə ərazisindən ,29 km-i isə Gürcüstan ərazisindən keçəcək.
Bundan əlavə, Gürcüstanda yükdaşıma gücünü ildə 15 mln. tona çatdırmaq məqsədi ilə, 183 km-lik Axalkalaki-Marabda-Tbilisi dəmir yolu sahəsi yenidən qurulacaq. Həmçinin, Axalkalakidə, Gürcüstanda mövcud olan xətlərdə Avropa standartlarına uyğun qatarların keçid məntəqəsinin tikilməsi planlaşdırılır. Layihə 422 mln. dollar məbləğində, infrastrukturla birlikdə isə, 600 mln dollar həcmində dəyərləndirilir.
