Azərbaycan, Bakı, 26 iyul/ Trend / "Məşədi Əzizbəyov" metro stansiyası qarşısındakı yeni yol ötürücüsü ilin sonunadək istismara veriləcək. Yol ötürücüsünə ümumilikdə 9 körpü və 11 trass daxildir. Ötürücünün ümumi sahəsi 3600 metrdir. Bakıda ilk dəfə olaraq burada asma körpü quraşdırılacaq. Sahəsi 325 metr olan bu körpü iki dayaq üzərində qurulacaq. O, hava limanına istiqamətlənmiş avtomobil yolunun üzərindən asılacaq.
Bütün işlər Azərbaycan prezidenti İlham Əliyevin "2006-2007-ci illərdə Bakı şəhərinin nəqliyyat sisteminin təkmilləşdirilməsi haqqında" sərəncamına əsasən Bakının nəqliyyat infrastrukturunun təkmilləşdirilməsi layihəsi çərçivəsində həyata keçirilir.