Azərbaycan, Bakı, 24 iyun / Trend I, mübir Ü.İsmayılova /
Azərbaycanda A(H1N1) virusuna ("donuz qripi") yoluxma faktı aşkar olunmayıb. Azərbaycan Səhiyyə Nazirliyinin bu gün yayılmış məlumatında deyilir.
Ümumdünya Səhiyyə Təşkilatının (ÜST) məlumatına görə, iyunun 22-dək dünyada virusun olması barədə laborator analizlərinə əsasən 52,16 min fakt aşkar olunub.
231 hadisə yoluxmuş insanların ölümünə səbəb olub. Meksikada 113, ABŞ - 87, Kanada - 13, Argentina - 7, Çili - 4, Avstraliya - 2, Kosta-Rika, Qvatemala, Dominikan Respublikası və Böyük Britaniyada "donuz qripi" səbəbindən ölüm üzrə bir fakt qeydə alınıb.
A(H1N1) virusunun əsas simptomları: yüksək hərarət, öskürək, boğazda ağrılar, zökəm, bədəndə ağrılar, baş ağrısı, üşütmə və zəiflik. Bu virusa yoluxmuş əksər insanlarda qusma və qarın ağrılarına rast gəlinir.
Məqalə müəllifi ilə əlaqə ünvanı: [email protected]