Özbəkıstan, Daşkənd, 6 noyabr / Trend, xüsusi müxbir V.Javoronkova /
Özbəkıstan Azərbaycanın "Badamlı" mineral suyunun alınmasında maralıdır. Bu barədə Azərbaycanın "Gəmiqaya" holdinqinin marketinq şöbəsinin direktoru Fazil Fərzəliyev Daşkənddə Azərbaycanın milli sərgiisndə bildirib.
""Badamlı" ticarət markası istehsal etdiyi məhsulların çeşidini genişləndirir və artıq bu marka altında meyvə şirələrinin istehsalına başlanılıb. Bu markadan olan məhsulların keyfiyyəti ISO-2001beynəlxalq standartına uyğundur", - Fərzəliyev bildirib.
Onun sözlərinə görə, sərgidə iştirak etməkdə başlıca məqsəd məhsulların Özbəkıstan bazarına çıxarılmasıdır.
"Çoxlu rəqiblərimizin olmasına baxmayaraq, xaricdə bizim məhsullara böyük tələb var. Noyabrın 15-də məhsullarımız Sankt-Peterburqda, fevralda isə Londonda təqdim olunacaq", -Fərzəliyev bildirib.
Onun sözlərinə görə, sərgi çərçivəsində Azərbaycan və Özbəkistanın İqtisadi İnkişaf nazirlikləri arasında bu sahədə əməkdaşlıq haqda razılaşma əldə olunub.
"Artıq bizim məhsullarımızın Özbəkistana ixracı üçün müqavilənin bağlanması haqda razılaşma mövcuddur", - Fərzəliyev bildirib.
2009-cu ilin avqustunda Azərbaycanda məşhur "Badamlı" mineral suyunun sənaye istehsalı bərpa edilib. Azərbaycan Respublikasının Prezidenti İlham Əliyev Naxçıvan Muxtar Respublikasında (NMR) əsaslı yenidənqurma işlərindən sonra "Badamlı" mineral sular zavodunun açılışında iştirak edib.
Mineral sular istehsal edən bu zavod 1947-ci ildən fəaliyyət göstərir.
Əvvəllər "Badamlı" mineral suyu "İstisu" və "Sirab" kimi sularla yanaşı populyar idi. 1990-cı illərdə müəsisə texniki baxımdan köhnəlib və praktiki olaraq məhsul istehsalını dayandırıb.
2004-cü ildə müəssisə özəlləşdirilib və indi yerli "Gəmiqaya Mineral sular" MMC müəssisənin sahibidir.
Yenidənqurmanın gedişində zavodda yeni istehsal xətti yaranıb. Tikintisinə 2008-ci ilin avqustunda başlanmış zavod 2,1 hektar ərazidə yerləşir. Müəssisədə Fransanın SIDEL şirkətinin avadanlıqları quraşdırılıb.
