Azərbaycan, Bakı, 8 yanvar /Trend, müxbir N.İsmayılova/
2011-ci ildə Bakı Banklararası Valyuta Birjasında (BBVB) bütün mövcud olan alətlər saxlanılacaq. Bu barədə şənbə günü Trend-ə BBVB rəhbəri Fərhad Əmirbəyov deyib.
"Nəzərdə tutulur ki, 2011-ci ildə valyuta bazarının həcmli sıxılması dayansın. Daha mürəkkəb alətlər tətbiq edtikcə, onlar bazarların sıxılması nəticəsində daha tez dövriyyədən çıxır. Buna görə 2011-ci ildə valuta bazarında yeni alətlərin tətbiqi nəzərdə tutulmur, mövcud olan alətlərin isə dəyişməz saxlanılması gözlənilir", - Əmirbəyov bildirib.
2010-cu ilin yekunları üzrə BBVB-nin valyuta bölmələrinin ümumi əqdlərinin həcmi 710,502 milyon manat təşkil edib. Birjanın elektron sistemində ABŞ dolları ilə əqdlərin ümumi sayı 708,086 milyon manat (883,569 milyon dollar) səviyyəsində olub.
