Azərbaycan, Bakı, 31 yanvar /Trend, müxbir A.Axundov/
2010-cu ildə Türkiyə və Azərbaycan arasında mal dövriyyəsi 2,416 milyard dollar təşkil edib. Bu, ötən ilin göstəricisini 12,21 faiz üstələyir. Bu məlumatı Türkiyə Baş nazirinin Aparatı yanında Gömrük üzrə Katiblik yayıb. 2009-cu ildə iki ölkənin mal dövriyyəsi 2,153 milyard dollar təşkil edib.
Bundan əvvəl Tükiyənin energetika və təbii ehtiyatlar naziri Taner Yıldızın dediyinə görə, iki dövlət üçün məqsəd mal dövriyyəsinin 5 milyard dollaradək çatdırılmasıdır. Onun sözlərinə görə, bunun üçün bütün imkanlar var.
Türkiyə gömrüyünün məlumatına görə, 2010-cu ildə Türkiyə Azərbaycandan 0,865 milyon dollar məbləğində mal idxal edib, halbuki 2009-cu ildə idxal 0,752 milyon dollar təşkil edib.
2010-cu ildə Türkiyənin Azərbaycandan idxalı 81 170 dollar təşkil edib. Bu göstərici 2009-cu ilin dekabrında 63 354 dollar olub.
2010-cu ildə Türkiyənin Azərbaycana ixracı 1,551 milyard dollar təşkil edib. Bu, inişilin göstəricisini 10,8 faiz üstələyir. Bu barədə Türkiyə Starteji İnstitutu (TUIK) məlumat verib. 2009-cu ildə Türkiyə Azərbaycana 1,4 milyard dollar məbləğində mal ixrac edib.
Azərbaycana ixrac olunan malların Türkiyənin ümumi ixracında payı il ərzində dəyişməyib və 2010-cu ildə də 1,4 faiz təşkil edib.
2010-cu ilin yekunları üzrə Türkiyənin ümumi ixracı 113,93 milyard dollar təşkil edib. Bu göstərici 2009-cu ildə 102,143 milyard dollar olub.
2010-cu ilin dekabrında Türkiyənin Azərbaycana ixracı 163,910 milyon dollar təşkil edib. Bu, anoloji göstəricinin 133,154 milyon dollar səviyyəsində olduğu 2009-cu ilin dekabrındakından 23,1 faiz çoxdur.
Dekabrda Türkiyənin ümumi ixracı 11,872 milyard dollar təşkil edib. 2010-cu ilin dekabrında Azərbaycana ixracın Türkiyənin ümumi ixracında payı 1,4 faiz təşkil edib, halbuki 2009-cu ilin dekabrında bu göstərici 1,3 faiz olub.
Türkiyə İxracatçılar Şurasının (TIM) məlumatına əsasən, 2010-cu ildə Türkiyə Azərbaycana 345,784 milyon dollar məbləğində kimyəvi məhsul, 181,39 milyon dollar məbləğində avadanlıq, 181,165 milyon dollar məbləğində elektrik enerjisi, 166,569 milyon dollar məbləğində taxta, 140,462 milyon dollar məbləğində dəmir, 114,557 milyon dollar məbləğində polad satıb.