...

Azərbaycandakı mikromaliyyə təşkilatları kreditləşmənin həcmini 7 faiz artırıblar

Biznes və iqtisadiyyat xəbərləri Materials 25 İyul 2011 17:26 (UTC +04:00)

Trend-i buradan izləyin

Azərbaycan, Bakı, 25 iyul /Trend, müxbir N.İsmayılova/

2011-ci il mayın sonuna olan məlumata görə, Azərbaycan Mikromaliyyə Assosiasiyası (AMFA) üzvlərinin aktivlərinin ümumi həcmi 2010-cu ilin sonundakı 3,68 milyard dollara nisbətdə 3,93 milyard dollar təşkil edərək 6,8 faiz artıb. Trend-in məlumatına görə, bu barədə bazar ertəsi AMFA-nın məlumatında deyilir.

Mikromaliyyələşdirmə ilə məşğul olan kredit təşkilatlarının əməkdaşlarının sayı 8 129 nəfərə çatır.

Mayın sonuna təşkilatların kredit portfelinin ümumi həcmi 2,6 milyard dollar təşkil edib. Aktiv müştərilərin sayı 502 383 nəfər olub. Risk altında olan portfelin payı (kreditin ödəniş müddətinin 30 gün keçdiyi) 10,46 faiz təşkil edir. Silinən kreditlərin həcmi 2,8 milyon dollar səviyyəsində olub.

Mikrokredit portfelinin ümumi həcmi 2011-ci ilin əvvəlindəki 488,42 milyon dollara nisbətdə 1,5 faiz artaraq 568,6 milyon dollar təşkil edib. Risk altında olan mikrokredit portfelinin payı 3,26 faiz təşkil edir.

Assosiasiya üzvlərinin sayı, mikromaliyyələşdirmə ilə məşğul olan 12 bank və beynəlxalq humanitar təşkilatların təsis etdikləri 18 bank olmayan kredit təşkilatı olmaqla, 30-dur.

Xəbər lenti

Xəbər lenti