Azərbaycan, Bakı, 11 dekabr /Trend, müxbir Maksim Tsurkov/
Dekabrın 12-də Bakıda müşahidə olunan duman Heydər Əliyev Beynəlxalq Aeroportundan aviareyslərin yola salınmasına təsir etməyib. Bu barədə cümə günü Trend-ə "Azərbaycan Hava Yolları" QSC-dən (AZAL) bildiriblər.
Məlumatda deyilir: "Lakin Tehran-Bakı, Aktau-Bakı, Naxçıvan-Bakı aviareyslərinin paytaxta gəlişi yubanır. Yəqin ki, bu hava şəraiti ilə əlaqədardır".
Cümə günü Azərbaycan ərazisində mülayim hava şəraiti gözlənilir, arabir cənub küləyi güclənəcək.
Azərbaycanın rayonlarında dekabrın 12-də hava əsasən yağmursuz keçəcək. Gecə və səhər bəzi yerlərdə zəif duman, çiskin olacaq. Cənub-şərq küləyi əsəcək, arabir ayrı-ayrı yerlərdə güclənəcək.
Havanın temperaturunun gecə 1-6, gündüz 9-14 dərəcə isti, dağlarda gecə 3 dərəcə şaxtadan 2 dərəcəyədək isti, gündüz 6-11 dərəcə isti olacağı proqnozlaşdırılır.