Bakı. Samir Əli - Trend:
Bakı Metropoliteninin “Xalqlar Dostluğu” stansiyasının hər iki keçidi təmir edilir.
“Bakı Metropoliteni” QSC-nin mətbuat xidmətinin rəhbəri Nəsimi Paşayev Trend-ə bildirib ki, stansiyanın hər iki keçidində təmir başlanıb:
"Təmir prosesində keçidin divar və yerdəki mərmər üzlükləri dəyişdiriləcək, keçidlərdə mövcud olan bütün kommunikasiya xətləri yenilənəcək. Keçidlərdə yalnız təmir işlərinin aparıldığı hissələr bağlanıb, sərnişinlərin giriş və çıxışına heç bir məhdudiyyət qoyulmayıb. Təmir işləri təxminən 2-3 ay davam edəcək".