Azərbaycanın Əmək və Əhalinin Sosial Müdafiəsi Nazirliyi əlillər arasında istedadların üzə çıxarılması üzrə VI ümumrespublika sərgi müsabiqəsinin keçirilmə tarixini müəyyən edib.
Nazirlikdən Trend ə verilən məlumata görə, tədbir noyabrın 23-25-də Əmək və Əhalinin Sosial Müdafiəsi, Mədəniyyət və Turizm, o cümlədən Təhsil nazirlikləri rəhbərlərinin iştirakı ilə keçiriləcək. Sərgidə şəkillər, xalçalar, tikmələr, ağac üzərində işlər, suvenirlər, model və maketlər, musiqi alətləri, keramika və dulusçuluq məmulatları nümayiş etdiriləcək.
Hazırda 260 nəfərdən 900-dən çox iş qəbul olunub.
Müsabiqənin qaliblərinə pul mükafatları veriləcək. Digər iştirakçılar isə həvəsləndirici mükafatlarla təltif olunacaq.
Sonuncu dəfə analoji tədbir 2003-cü ildə keçirilib.