Azərbaycan, Bakı, 03 iyul/ Trend , müxbir E.İsmayılov/ Azərbaycanın yeraltı qaz anbarlarına 366 milyon kubmetr təbii qaz vurulub, - cümə axşamı hökumətdən bildiriblər. 2007-2008-ci illərin payız-qış dövründən qaz anbarlarında təxminən 380 kubmetr qaz qalıb. Beləliklə, bu gün yeraltı qaz anbarlarında 700 milyon kub metr qaz ehtiyatı var.
Qaz payız-qış mövsümündə istifadə üçün vurulub.
Ümumilikdə, qaz anbarlarına təxminən 1 milyard kubmetr qaz vurulacaq. Ötən il qaz anbarlarına 1 milyard kubmetrdən çox qaz vurulub.Bu həcm 2007-2008-ci illərin payız-qış dövründə abonentlərin təmin edilməsi üçün istifadə olunub. 2006-2007-ci illər ərzində qaz anbarlarına 1,024 kubmetr qaz vurulub.
Azərbaycanda iki - Qaradağ və Qalmaz qaz anbarları var.
