Türkmənistan, Aşqabad, 11 avqust / Trend , müxbir H.Həsənov /
Ufanın (Başqırdıstan, Rusiya) "Uraltexnostroy" Məhdud Məsuliyyətli Cəmiyyəti (MMC) "Türkmənneft" dövlət korporasiyasını qaz-lift sıxma kompressor stansiyası üçün texnoloji avadanlıqlarla təchiz edir. Bu barədə şirkətin press-relizində deyilir.
Avadanlıqların siyahısına qaz hazırlanması qurğuları, blok-nasos stansiyaları, blok-komplekt texnoloji avadanlıqlar daxildir. Layihə ən qısa təchizat müddətini nəzərdə tutur. "Şirkət rəhbərliyi Türkmənistan bazarına prioritetlərdən biri kimi baxır və neft konserninin keyfiyyətli məhsul təminatı üçün bütün tədbirləri görür", - məlumatda deyilib.
Məqalə müəllifi ilə əlaqə ünvanı: [email protected]
