Azərbaycan, Bakı, 29 sentyabr /Trend, müxbirlər A.Axundov, E.İsmayılov/
Azərbaycanda benzin Avro-2 standartına tam uyğundur. Bu barədə çərşənbə günü jurnalistlərə Standartlaşdırma, Metrologiya və Patent üzrə Dövlət Komitəsinin sədri Ramiz Həsənov deyib.
"Bütün yanacaqdoldurma məntəqələrinə (YDM) eyni keyfiyyətli benzin daxil olur", - Həsənov qeyd edib.
Onun sözlərinə görə, istehlakçıların avtomobil yanacaqdoldurma məntəqələrində satılan benzinin keyfiyyəti ilə bağlı bəzi narazılıqları onların bilavasitə YDM-lərdə durulaşdırılması ilə əlaqədardır.
Bundan əvvəl ARDNŞ rəhbərinin dediyinə görə, şirkətin neft emanlı zavodlarında istehsal olunan benzin Avro-2 standartına tam uyğundur. ARDNŞ istehsal olunan yanacağın keyfiyyətinin Avro-3 standartına qədər artırılması üzrə işlər aparır. Avtomobillər üçün yanacağın keyfiyyətinin daha da artırılması neft və qaz məhsullarının istehsalı üzrə yeni kompleksin tikintisindən sonra mümkün olacaq.
Cari il iyulun 1-dən etibarən Azərbaycanda avtonəqliyyat vasitələrinə və yanacağa Avro-2 ekoloji standartları tətbiq edilməyə başlayıb.
