Azərbaycan, Bakı, 18 aprel /Trend/
Ağdam rayonunun Bənövşələr qəsəbəsinə təbii qaz verilib.
Trend "Azəriqaz" İB-nin saytına istinadən məlumat verir ki, bu münasibətlə keçirilmiş tədbirdə Birliyin və rayon rəhbərliyinin təmsilçiləri, ictimaiyyət nümayəndələri iştirak ediblər.
Bildirilib ki, 463 abonenti olan Bənövşələr qəsəbəsinin qazlaşdırılması məqsədilə aparılan tikinti işləri zamanı birpilləli sistem əsasında ümumi uzunluğu 11000 metr olan müxtəlif diametrli polietilen borularla qaz xətti çəkilib, 463 ədəd sayğac, tənzimləyici və qaz piltələri quraşdırılıb.