"Dədə-Qorqud" qazma qurğusunda planlı təmir işlərinə başlanıb. Bu barədə Trend ə ARDNŞ-dən məlumat verilib. "Dədə-Qorqud" qurğusunun sahibi Caspian Drilling Company (CDC) müştərək müəssisəsidir. Təmir işləri zamanı qurğuda yaşayış blokunun, təmizləyici sistemin tam əvəzlənməsi və çirkləndirici maddələrin neytrallaşdırılması, o cümlədən priventor mexanizmləri idarəetmə sistemi üzrə işlərin görülməsi nəzərdə tutulur. Təmir işləri 56 gün ərzində başa çatacaq.
Bu işlər yekunlaşdıqdan sonra qurğu qazma işlərini davam etdirmək üçün "Günəşli" yatağının dərinsulu hissəsinə gətiriləcək.
Bu qurğu ilə BP-nin operator olduğu, "Azəri"-"Çıraq"-"Günəşli" yataqlarının işlənməsi layihəsi çərçivəsində "Günəşli" yatağının dərinsulu hissəsində öncəqazma quyusu qazılır.
