Texniki imkanlarımız il ərzində 2 mlrd.kubmetrə yaxın qaz qəbul etməyə çatır. Trend in xəbərinə görə, bu barədə jurnalistlərə "Azəriqaz"in sədri Əlixan Məlikov oktyabrın 27-də keçirdiyi mətbuat konfransında məlumat verib.
Ə.Məlikov bildirib ki, hazırda İran və Rusiyadan qaz alınmasına dair danışıqlar aparılır. Hazırda bu həcimdə qazın alınması üçün danışıqlar aparılır.
Ə.Məlikov həmçinin regionların qazla təminatı məsələsinə də toxunub: "Ölkə rəhbərinin regionların inkişafına dair sərəncamına uyğun olaraq "Azəriqaza"da müvafiq tapşırıqlar verilib. Azərbaycanın hər bir rayonu üçün ayrılıqda texniki iqtisadi hesabatlar hazırlanıb və bu iş proqram şəklində davam edir. Ötən il biz İmişlini, bu il isə Lerik və Yardımlını təbii qazla təmin etdik. Həmçinin 14 illik fasilədən sonra Naxçıvan Muxtar Respublikasının qaz təminatı bərpa olundu. Digər rayonlarda da bu iş mərhələlərlə davam edir və nəticədə qazla təmin olunan abonentlərin sayı durmadan artır".
Ə.Məlikov onu da qeyd edib ki, "Azəriqaz" ölkənin iqtisadi həyatının inkişafı üçün əhalinin təbii qazla təmin olunması sahəsində müxtəlif proqramlar işləyib hazırlayır.