Türkmənistan, Aşxabad, 18 fevral / Trend , müxbir E.Həsənov/ "Türkmənistan hökuməti Rusiya Federal Kosmik agentliyi "Roskosmos"la kosmosun birlikdə mənimsənilməsi perspektivləri barədə danışıqlar aparır", - rəsmi Türkmənistan mənbəyi məlumat verib.
İki ölkə əməkdaşlığının potensial istiqamətləri kimi - Rusiya kosmik naviqasiya sistemlərindən istifadə imkanları, bir çox aktual, eləcə də ekoloji təhlükəsizlik problemlərini həll etməyə imkan verən Rusiya kosmik aparatlarından yerin uzaqdan zondlanması məsələləri müəyyən edilib.
Rabitə, əsasən də peykin birgə istismarı, perspektivdə türkmən rabitə peykinin yaradılması məsələləri prioritet adlandırılıb. Elmi sahədə əməkdaşlıq - birgə eksperimentlərin həyata keçirilməsi və praktiki məsələlərin həlli müzakirə olunub.
Türkmənistan prezidenti Qurbanqulı Berdimuhammdeov görüşdə bildirib ki, onun ölkəsi "kosmosdan sülh məqsədli istifadə planlarına cavab verən işçi, konstruktiv qarşılıqlı fəaliyyəti hədəf alıb".
Məqalə müəllifi ilə əlaqə ünvanı: [email protected]
