Azərbaycan, Bakı, 01 oktyabr / Trend , müxbir H.Vəliyev/
HP şirkətinin marketinq üzrə meneceri Səbinə Pərvizi Trend -a müsahibəsində bildirib ki, "Xalq kompüteri" layihəsinin birinci mərhələsi başa çatıb və hazırda bu layihənin növbəti mərhələsinin yaxın günlərdə reallaşdırılması məsələsinə baxılır.
Layihə HP və Microsoft şirkətlərinin iştirakı ilə həyata keçirilir. Texnika HP şirkətinin yerli partnyoru olan Bestcomp Group tərəfindən quraşdırılacaq. Təhsil Nazirliyindən verilən məlumata görə, "Xalq kompüteri" layihəsinin ikinci mərhələsində 8000 kompüterin satışı nəzərdə tutulur.
Onun sözlərinə görə, "Xalq kompüteri" layihəsinin birinci mərhələsi çərçivəsində 3000-dən çox kompüter satılıb ki, bunun da böyük əksəriyyətini (90%) portativ kompüterlər təşkil edib.
"Xalq kompüteri" layihəsinin birinci mərhələsi aprel ayında başlayıb. Ümumilikdə isə layihə çərçivəsində 5000 ədəd mini-noutbuk, noutbuk və stolüstü kompüter təqdim olunub.
"Xalq kompüteri" layihəsi çərçivəsində təqdim olunan kompüterlər müəllimlər üçün nəzərdə tutulur və faizsiz kreditlə 12 ay müddətinə bazar qiymətindən 25-40% aşağı qiymətə satılır.
Məqalə müəllifi ilə əlaqə ünvanı: [email protected]
