FİFA-nın yeni prezidenti bədxərclik edib
Bakı. Trend:
FİFA-nın yeni prezidenti Canni İnfantino üç ay müddətində bir neçə dəfə FİFA Etika Məcəlləsini pozub, həmçinin ən azı 14 min avro bədxərclik edib.
Trend-in TASS agentliyinə istinadən verdiyi məlumata görə, bu barədə Almaniyanın "Frankfurter Allgemeine Zeitung" nəşri yazıb.
İddia olunur ki, C.İnfantino FİFA-nın vəsaitinə trenajor, smokinq, gül, futbol butsıları alıb. Bütün bunlar təxminən 14 min avroya başa gəlib.
Bundan başqa, onun digər şəxsi məqsədləri üçün vəzifəsindən sui-istifadə etdiyi bildirilir.
Nəşr bütün bunları sübut edən müvafiq sənədlərə malik olduğunu da iddia edir.
