Bakı. Trend:
Əfqanıstanın müdafiə və təhlükəsizlik milli qüvvələri İŞİD terror qruplaşması və "Taliban" radikal hərəkatına qarşı ölkə ərazisində bir sıra əməliyyat keçiriblər.
Trend-in məlumatına görə, Əfqanıstan müdafiə nazirliyindən bildiriblər ki, əməliyyatlar zamanı 121 terrorçu məhv edilib: "Əməliyyatlar nəticəsində 10-u İŞİD terror qruplaşmasının üzvü olmaqla 121 terrorçu məhv edilib, 70-i yaralanıb və 7-si saxlanılıb".
Əfqanıstan hərbçiləri həmçinin bir neçə nəqliyyat vasitəsi, motosiklet, silah və sursat məhv ediblər. Əməliyyatlar ölkənin müxtəlif ərazilərində, o cümlədən Fərəh, Qazni və Nanqahar əyalətlərində keçirilib.