...

ABŞ Kabildəki "İŞİD" hücumunu qınadı

Dünya xəbərləri Materials 7 Mart 2020 04:57 (UTC +04:00)
Hücum nəticəsində 32 nəfər həlak olub
ABŞ Kabildəki "İŞİD" hücumunu qınadı

Trend-i buradan izləyin

Bakı. Trend:

ABŞ Kabildə 32 nəfərin həyatına son qoymuş "İŞİD" terror təşkilatının hücumunu qınayır.

Trend-in məlumatına görə, bu barədə ABŞ dövlət katibi Mayk Pompeo bəyanat verib.

"ABŞ Kabildə törədilmiş terror aktını qəti şəkildə pisləyir. Əfqan xalqı terrorsuz gələcəyə layiqdir. Hazırkı sülh prosesi əfqanlar üçün "İŞİD" təhlükəsinə qarşı birləşmiş cəbhə yaratmaqda müstəsna imkandır", - deyə Pompeo bildirib.

Xatırladaq ki, naməlum şəxslər Əfqanıstan Baş Nazirinin qatıldığı tədbirə martın 7-də hücum edib. Hücum nəticəsində 32 nəfər həlak olub, daha 81 nəfər xəsarət alıb.

Əfqanıstan DİN nümayəndəsi hücum edənlərdən ikisinin öldürüldüyünü bəyan edib. Daha sonra "İŞİD" məsuliyyəti üzərinə götürüb.

Məqalədə:
Xəbər lenti

Xəbər lenti