Bakı. Trend:
ABŞ-nin Nyu-York ştatının qubernatoru Keti Hokul şəhərdə fövqəladə vəziyyət elan edib.
Trend bu barədə xarici KİV-lərə istinadən xəbər verir.
Bildirilir ki, buna səbəb bir neçə saatdır davam edən leysan yağışları olub.
“Nyu-York, Lonq-Aylend və Hudson vadisində fövqəladə vəziyyət elan edilib”, - Keti Hokul öz “X” (tvitter) sosial şəbəkə hesabında yazıb.
Qeyd edək ki, sentyabrın 28-də axşam saatlarından başlayan leysan yağış nəticəsində bəzi küçələri su basıb. La-Quardiya hava limanlarından birinin, eləcə də bir neçə metro xəttinin işi dayandırılıb. Yağışın ən azı daha iki saat davam edəcəyi gözlənilir.