Bakı. Trend:
Qazaxıstanın Karağandı əyalətində ölkənin hava qüvvələrinə məxsus “Su-30CM” qırıcısı qəzaya uğrayıb.
Trend xəbər verir ki, bu barədə Qazaxıstanın Müdafiə Nazirliyi məlumat yayıb.
Məlumata görə, toqquşmadan əvvəl hərbi təyyarənin ekipaj üzvləri katapult etməyə nail olublar. Hər iki pilot qəzadan sağ ayrılıb. Qəza yerində əhaliyə və ya infrastruktur obyektlərinə hər hansı təhlükənin yaranmadığı qeyd olunur.
Qazaxıstanın Müdafiə Nazirliyi qəzanın səbəblərinin müəyyənləşdirilməsi üzrə istintaqın aparılması üçün komissiya yaradıb.