Bakı. Trend:
ABŞ-ın Milli Aeronavtika və Astronavtika Agentliyi (NASA) 2025-ci ildə “Artemis II” missiyası ilə astronavtların Yerin təbii peykinə uçuşunu təxirə salıb.
Trend xəbər verir ki, bu barədə Agentliyin baş icraçı direktoru Bill Nelson bildirib.
NASA-nın rəhbəri vurğulayıb ki, “Artemis II” missiyasında ən prioritet məsələ astronavtların təhlükəsizliyidir. O əlavə edib ki, Ayın səthinə uçuş 2026-cı ildə həyata keçirilə bilər.
Agentliyin açıqlamasında qeyd olunub ki, “Artemis II” astronavtların Ayın ətrafında uşusunu, növbəti – “Artemis III” missiyası isə onların Yerin təbii peykinin səthinə enməsini nəzərdə tutur. İkinci missiyada iştirak edəcək astronavtlar Ayın Cənub Qütbünə enəcəklər. Bu, 50 illik fasilədən sonra insanın Aya ilk uçuşu olacaq.
“Biz Ayın səthinə əvvəllər olmamış yolla enəcəyik, lakin ən mühüm məsələ missiyada iştirak edəcək astronavtların təhlükəsizliyi təmin etməkdir”, -deyə Bill Nelson vurğulayıb. O qeyd edib ki, “Artemis II” üşün ayrılan əlavə vaxtda kosmik gəminin batareyaları, elektrik sistemi və astronavtların rahatlığı ilə bağlı yeni nəsil avadanlıqlara xüsusi diqqət yetiriləcək.