...

Azərbaycanın cənubunda yük qatarı qəza törədib

Hadisə Materials 17 İyun 2008 11:18 (UTC +04:00)

Azərbaycan, Lənkəran, 17 iyun / Trend , müxbir P.Əliyeva/ Azərbaycanın cənubunda yerləşən Lənkəran rayonunun Vel kəndi (paytaxt Bakıdan 270 kilometr) ərazisində iyunun 16-sı axşam saatlarında Bakı-Astara istiqamətinə hərəkət edən yük qatarı 57 yaşlı kənd sakinini vurub. 1951-ci il təvəllüdlü İsmayıl Əlişah oğlu Hüseynov Lənkəran Mərkəzi Xəstəxanasına çatdırılsa da, həyatını xilas etmək mümkün olmayıb.

Məhkəmə Ekspertizası və Patoloji Anatomiya Birliyinin Zona Mərkəzinin həkim-eksperti Rafiq Qasımov çərşənbə axşamı Trend -a bildirib ki, Hüseynov açıq-ağır kəllə beyin travması alıbmış.

Lənkəran rayon prokurorunun müavini Mülküm Mahmudov isə Trend -a açıqlamasında fakt üzrə materialların toplandığını deyib. İlkin ehtimala görə, Hüseynov reysi keçərkən sərxoş olub.

Məqalə müəllifi ilə əlaqə ünvanı: [email protected]

Xəbər lenti

Xəbər lenti