Azərbaycan, Bakı, 17 mart /Trend, müxbir K.Zərbalıyeva/
Bakıda mənzildən 250 min manat oğurlayan şəxslər tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, ötən il sentyabrın 19-na keçən gecə Bakıxanov qəsəbə sakini Çingiz Məmmədovun evindən eyvandan keçməklə içərisində 250 min manat və qızıl-zinət əşyaları olan seyf oğurlanmışdı.
Daxili İşlər Nazirliyinin Baş Cinayət Axtarış İdarəsi və rayon polis idarəsinin 13-cü polis bölməsinin əməkdaşlarının keçirdiyi əməliyyat tədbirləri nəticəsində oğurluqda şübhəli bilinələr, əvvəllər məhkum olunmuş Şaiq Səttarov və Pərvin Məmmədov martın 16-da yaxalanıb.
Faktla bağlı istintaq aparılır.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
