Azərbaycan, Bakı, 1 sentyabr /Trend, müxbir K.Zərbalıyeva/
Neft-Qaz Çıxarma İdarəsinin (NQÇİ) mantyorunu elektrik cərəyanı vurub.
Qaradağ rayon prokurorluğundan Trend-ə verilən məlumata görə, Nəriman Nərimanov adına NQÇİ-nin neftvurma stansiyasında elektrik işləyən, 57 yaşlı Akif Xəlilovu elektrik cərəyanı vurub və o, hadisə yerində keçinib.
Faktla bağlı rayon prokurorluğunda Cinayət Məcəlləsinin əmək mühafizəsi qaydalarını pozma ehtiyatsızlıqdan insan ölümünə səbəb olduqda (162.2-ci) maddəsi ilə cinayət işi başlanıb, istintaq aparılır.