Azərbaycan, Bakı, 8 avqust /Trend müxbir K.Zərbalıyeva/
Bakıda iki minik avtomobili toqquşub, xəsarət alanlar var.
Xətai Rayon Polis İdarəsindən Trend-ə verilən məlumata görə, bu gün səhər saatlarında rayon ərazisində, "Nargilə" kafesinin yaxınlığında "Cip" markalı minik avtomobili digər bir minik avtomobili ilə toqquşub. Nəticədə birinci avtomobildə olan iki nəfər ağır bədən xəsarəti alıb.
Qəzaya avtomobilin yüksək sürətlə idarə edilməsi səbəb olub.