Bakı. Elçin Mehdiyev - Trend:
Bakı şəhəri Yasamal rayonu ərazisində ehtiyatsızlıqdan ölüm hadisəsi qeydə alınıb.
Trend-in məlumatına görə, avqustun 14-də 71 yaşlı Allabağış Cəfər oğlu Əzizov yaşadığı Yasamal rayonu, Dadaş Bünyadzadə küçəsi, 179 nömrəli evin həyətində emalatxanada işləyən zaman ehtiyatsızlıq nəticəsində elektrik kəsici alətlə sağ bud nahiyəsini kəsib və aldığı xəsarət nəticəsində hadisə yerində dünyasını dəyişib.
Faktla bağlı Yasamal Rayon Prokurorluğunda araşdırma aparılır.