Azərbaycan, Bakı, 23 may /Trend, müxbir K.Zərbalıyeva/
Ermənistan Silahlı Qüvvələrinin cəbhənin Tərtər rayonu istiqamətində atəşkəsi pozması nəticəsində Azərbaycan Milli Ordusunun əsgəri Fərəcov Fərid Vidadi oğlu şəhid olub.
Müdafiə Nazirliyinin mətbuat xidmətinin rəis müavini Teymur Abdullayev Trend-ə bildirib ki, erməni snayperlərin açdığı atəş nəticəsində əsgər Fərəcov boğaz nahiyyəsindən güllə yarası alıb.
Fərəcov ötən ilin iyul ayında Şuşa rayon Hərbi Komissarlığından hərbi xidmətə çağrılmışdı.
Mayın 20-də isə düşmənin Ağdam rayonunun Şıxlar kəndi yaxınlığındakı mövqeyindən açılan atəş nəticəsində Azərbaycan Ordusunun kicik çavuşu Məmmədov Rəhman Eldar oğlu şəhid olmuşdu.